Pargolâšvuotâkuávluh já ášástâllâm pargovyeimivirgeomâháin

Tuâjjvuõttvuu'd

Kååʹdd da kooʹddi raajjâm õhttsažtåimmam-vuu'd, leʹbe tuâjjvuõttvuu'd, vaʹsttee tuâjjviõkkveʹrǧǧneʹǩǩen õõlmâs tuâjjviõkkveʹrǧǧneeʹǩǩ jäʹrjstummšest 1.1.2025 ääʹljeeʹl. TE-konttri tåimmjummuž põõtt seämma-ääiʹj.  

Tuâjjvuõttvuuʹd liâ õhttseʹžže 45.

Tuâjjvuõttvuuʹdi tuâjjan lij jäʹrjsted jeäʹrbi mieʹldd

• tuâjjvääʹltemkääzzkõõzzid,
• teâtt-, vuäʹpstem- da ohjjeemkääzzkõõzzid,
• valmštõõttmõõžž,
• tuâjjviõkkškoultõõzz da
• muuttâs-staanškooultõõzz.

Vuäitak ǩiõččâd liist tuâjjvuõttvuuʹdin da tõid kuulli kooʹddin Tuâjjmarkkântorr vuʹvddseeidain lääʹddǩiõʹlle, ruõccǩiõʹlle leʹbe eŋgglõsǩiõʹlle.

Äʹššed tuâjjviõkkveʹrǧǧniiʹǩǩin

Liâđǥlaž äʹššeem tuâjjviõkkveʹrǧǧniiʹǩǩin šâdd Tuâjjmarkkântorr Äʹššeem-pääiʹǩest. TE-kääzzkõõzzi Oma asiointi -kääzzkõs lij jaukkuum persoonäʹššniiʹǩǩi âânnmõõžžâst.

Ođđ äʹššeemkääzzkõõzzâst vuäitak håiddad aaʹššid, kook õhttne

• tuâjjooccmõõžž alttummša,
• tuâjteʹmesvuõttstaaʹne,
• õhttvuõđvälddmõõžžid da vueiʹnnlõõttmõõžžid,
• plaaʹne,
• škooultõõzzid da kääzzkõõzzid di
• tuâjjooccmõõžž muttsa da loopptummša.

Äʹššeemkääzzkõs lij âânnmõõžžâst lääʹddǩiõʹlle da ruõccǩiõʹlle.

Jõs jiõk vueiʹt äʹššeed liâđǥlânji, vääʹld õhttvuõđ vuuʹd tuâjjviõkkveʹrǧǧnekka.

Personäʹššneeʹǩǩ Oma asiointi -neʹttkääzzkõs ij leäkku teänab ââʹnnmest. Vuäitak håiddad äʹššeem TE-kääzzkõõzzivuiʹm ååʹn Työmarkkinatori pääiʹǩest. Pieʹǩǩ täi seeidai teâđain lij vuämmnam, da siiskõõzz puäʹđet oođeet eeʹjj 2025 aʹlǧǧe mõõneeʹst.