Pargolâšvuotâkuávluh já ášástâllâm pargovyeimivirgeomâháin

Pargolâšvuotâkuávluh

Kieldah já kieldâi hammim oovtâstpargokuávluh, ađai pargolâšvuotâkuávluh, västideh pargovyeimivirgeomâhâžžân almos pargovyeimipalvâlusâi orniimist 1.1.2025 rääjist. PI-toimâttuvâi toimâm nohá siämmást.

Pargolâšvuotâkuávluh láá ohtsis 45.

Pargolâšvuotâkuávlui pargon lii orniđ iärrás lasseen

• pargosirdempalvâlusâid
• tiätu-, ravvim- já stivrimpalvâlusâid,
• valmim,
• pargovyeimiškovlim já
• nubástustorvoškovlim.

Tun puávtáh keččâđ listo pargolâšvuotâkuávluin já toid kyeskee kieldâin Pargomarkkântori (Työmarkkinatori) kuávlusiijđoin suomâkielân, ruotâkielân tâi eŋgâlâskielân.

Ášástâl pargovyeimivirgeomâháin

Šleđgâhámásâš ášástâllâm pargovyeimivirgeomâháin tábáhtuvá Pargomarkkântori Asiointi-uásáduvâst (Ášástâllâm). PI-palvâlusâi Oma asiointi (Jieijâs ášástâllâm) -palvâlus ij lah innig persovnäššigâsâi kiävtust.

Uđđâ ášástâllâmpalvâlusâst tun puávtáh tipšođ aašijd, moh lohtâseh

• pargo uuccâm aalgâtmân,
• pargottesvuotâtoorvon,
• ohtâvuođâ väldimáid já teivâmáid,
• vuáváámân,
• škovliimáid já palvâlussáid sehe
• pargo uuccâm nubástussáid já joskâmân.

Ášástâllâmpalvâlus lii kiävtust suomâkielân já ruotâkielân.

Jis tun jieh pyevti ášástâllâđ šleđgâhäämist, te vääldi ohtâvuođâ jieijâd kuávlu pargovyeimivirgeomâhâžân.

Persovnäššigâs Oma asiointi (Jieijâs ášástâllâm) -viermipalvâlus ij lah innig kiävtust. Tun puávtáh tipšođ ášástâllâm PI-palvâlusâiguin tääl Pargomarkkântorist. Uási täi siijđoi tiäđuin láá puárásmâm, já siskáldâsah uđâduvvojeh majemustáá ive 2025 aalgâ räi.