Barggolašvuođaguovllut ja áššiid dikšun bargofápmovirgeoapmahaččain

Barggolašvuođaguovllut

Gielddat ja gielddaid ovttasdoaibmaguovllut, dahjege barggolašvuođaguovllut, leat bargofápmovirgeoapmahaččat, man geažil dain lea ovddasvástádus lágidit almmolaš bargofápmobálvalusaid 1.1.2025 rájes. Seammás BE-doaimmahagat heitet doaibmamis.

Barggolašvuođaguovllut leat oktiibuot 45.

Barggolašvuođaguovlluid bargun lea lágidit earret eará

• bargogaskkustanbálvalusaid,
• diehto-, rávven- ja bagadallanbálvalusaid,
• hárjehusaid,
• bargofápmoskuvlejumiid ja
• nuppástusdorvoskuvlejumi.

Sáhtát geahččat listtu barggolašvuođaguovlluin ja daidda gullevaš gielddain Työmarkkinatori (Bargomárkantoarga) guovlosiidduin suoma-, ruoŧa- dahje eaŋgalasgillii

Divššo áššiid bargofápmovirgeoapmahaččain

Sáhtát dikšut áššiid bargofápmovirgeoapmahaččain Työmarkkinatori Áššiid dikšun -oasis. BE-bálvalusaid Iežas áššiid dikšun -bálvalus lea váldojuvvon eret áššehasaid anus.

Ođđa áššiiddikšunbálvalusas sáhtát dikšut áššiid, mat laktásit

• bargoohcama álggaheapmái,
• bargguhisvuođadorvui,
• oktavuođaváldimiidda ja deaivvademiide,
• plánii,
• skuvlejumiide ja bálvalusaide ja maiddái
• bargoohcama nuppástussii ja heaitimii.

Áššiiddikšunbálvalusa sáhttá geavahit suoma- ja ruoŧagillii.

Jus it sáhte dikšut áššiid elektrovnnalaččat, váldde oktavuođa iežat guovllu bargofápmovirgeoapmahažžii.

Áššehasa Oma asiointi -neahttabálvalus ii leat šat anus. Sáhtát dikšut BE-bálvalusaide laktáseaddji áššiid dán áigge Työmarkkinatoris. Oassi dáid siidduid dieđuin leat boarásmuvvan, ja sisdoalut ođasmahttojuvvojit jagi 2025 álggu rádjái.