Ášástâllâm pargovyeimipalvâlusâin

Pargokavnâmvuávám

Pargovyeimipalvâlusâi äššitobdee ráhtá tuin persovnlii pargokavnâmvuávám, mon ulmen lii finniđ jotelávt pargoid. Tuoi rähtivettee pargokavnâmvuávám algâsahhiittâllâm ääigi. Tuoi čuávuvettee ton olášume pargouuccâmsavâstâlmij ääigi.

Pargokavnâmvuáváámist tuoi sopâvettee pargouuccâm uulmijn, pargouuccâmkenigâsvuođâin já tuu tilán hiäivulijn pargo kavnâm ovdedeijee palvâlusâin. Tun koolgah toimâđ pargokavnâmvuávám miäldásávt já almottiđ pargopitái olášuumist. Jis vuávám kuáđđoo olášuthánnáá, tast sáttá leđe merhâšume pargottesvuotâtorvo finniimân.

Tun kaavnah jieijâd pargokavnâmvuávám Pargomarkkântori Ášástâllâm-uásist. Jis tun jieh pyevti almottiđ pargopitái olášuumist Pargomarkkântori peht, te vääldi ohtâvuođâ pargovyeimivirgeomâhâžân.

Maaŋgâlágán vuáváámeh

Tuu vuávám lii jieijâd tile mield pargokavnâmvuávám, aktivistemvuávám, maaŋgâsuárgálâš pargokavnâmvuávám, siärvádumvuávám tâi maaŋgâsuárgálâš siärvádumvuávám.

Jis tun lah lamaš pargotteemmin kuhháá já tuu ulmen lii pyerediđ jieijâd eellimhaldâšem já máhđulâšvuođâid finniđ pargoid, te tun rááhtáh oovtâst pargovyeimipalvâlusâi äššitobdein aktivistemvuávám tâi maaŋgâsuárgálii pargokavnâmvuávám. Jis tun lah enâmânvärrejeijee, te tun rááhtáh siärvádumvuávám tâi maaŋgâsuárgálii siärvádumvuávám.

Pargouuccâmkenigâsvuođâi tevdim

Pargokavnâmvuáváámân čálloo uuccâmnáál pargomáhđulâšvuođâi meeri ađai tuu pargouuccâmkenigâsvuotâ. Tun koolgah uuccâđ vuolgâsajalávt nelji pargomáhđulâšvuođâ mánuppaajeest. Uuccâmnáál pargomáhđulâšvuođah kalgeh leđe tagareh, moid tust láá máhđulâšvuođah peessâđ paargon. Máhđulâš pargonavcâttesvuotâ já tuu kuávlu pargomarkkântile váldoo huámášumán pargokavnâmvuáváámist. Jis uuccâmnáál pargomáhđulâšvuođah iä lah ollágin, te tunjin iä asâttuu pargouuccâmkenigâsvuođah.

Tun puávtáh tevdiđ jieijâd pargouuccâmkenigâsvuođâ maaŋgânáál. Tun puávtáh ovdâmerkkân

  • uuccâđ jieš jieijâd valjim pargosaje,
  • táttuđ lasepargoid jieijâd pargoadeleijest já
  • uuccâđ pargomáhđulâšvuođâid, maid puáhtá porgâđ irâtteijen.

Algâsahhiittâllâm

Algâsahhiittâllâm uárnejuvvoo love argâpeeivi siste tuu pargouuccâm älgimist. Sahhiittâllâm uárnejuvvoo pargovyeimivirgeomâháá toimâsaajeest, mut tom puáhtá orniđ meid eresnáál, jis toos lii merhâšittee suijâ. 

Algâsahhiittâllâm ääigi tuu tile kärttejuvvoo já tun rááhtáh pargokavnâmvuávám. Sahhiittâlmist tun kuorâttâlah oovtâst äššitobdein, et magarijd pargosoojijd tun puávtáččih uuccâđ tâi lii-uv tust tárbu haahâđ škovlim tâi molsođ syergi. Algâsahhiittâllâm ääigi tuoi meid árvuštâlvettee palvâlustáárbu já tom, magareh pargo kavnâm ovdedeijee palvâlusah puávtáččii išediđ tuu finniđ pargoid. Algâsahhiittâllâm ääigi tuoi meiddei sopâvettee tast, et maht tun toolah ohtâvuođâ pargovyeimivirgeomâháin.

Pargouuccâmsavâstâlmeh

Pargovyeimivirgeomâhâš kalga orniđ pargouuccâmsavâstâllâm ain, ko algâsahhiittâlmist tâi oovdeb pargouuccâmsavâstâlmist láá kuullâm kulmâ mánuppaje. Toi kooskâst tun uusah pargoid jiečânávt tâi uásálistáh palvâlussáid pargokavnâmvuávám miäldásávt.

Pargouuccâmsavâstâllâm ääigi tun finniih torjuu pargoucâmân. Ton lasseen tuoi oovtâst äššitobdein árvuštâlvettee tuu pargouuccâm puátusijd, palvâlustáárbu já pargokavnâmvuávám olášume. Táárbu mield pargokavnâmvuávám puáhtá hammiistâllâđ tagarin, et tot heivee tuu tilán pyerebeht.

Pargouuccâmsavâstâllâm olášuttoo toin lain, mii kuás-uv lii ulmemiäldásâš. Pargo-occen tun puávtáh celkkiđ jieijâd tuoivuu tast, maht savâstâllâm uárnejuvvoo.

Tievâsmittee pargouuccâmsavâstâlmeh

Pargovyeimivirgeomâhâš uárnee tunjin algâsahhiittâllâm maŋa vittâ tievâsmittee pargouuccâmsavâstâllâm tâi mottoom eres taarbâšlâžžân keččum mere.

Eres tievâsmittee pargouuccâmsavâstâlmijd puáhtá orniđ tuu táárbui mield. Tievâsmittee pargouuccâmsavâstâllâm saajeest tunjin puáhtá faallâđ meid eres persovnlii palvâlus, mii tuárju tuu pargouuccâm tâi pyereed tuu máhđulâšvuođâid kavnâđ pargo.

Työllistymissuunnitelma

Työvoimapalveluiden asiantuntija tekee kanssasi henkilökohtaisen työllistymissuunnitelman, jonka tavoitteena on nopea työllistyminen. Työllistymissuunnitelma tehdään alkuhaastattelussa. Sen toteutumista seurataan työnhakukeskusteluissa.

Työllistymissuunnitelmassa sovitaan työnhakusi tavoitteista, työnhakuvelvollisuudestasi ja tilanteeseesi sopivista työllistymistä edistävistä palveluista. Sinun täytyy toimia työllistymissuunnitelman mukaisesti ja ilmoittaa tehtävien toteutumisesta. Suunnitelman toteuttamatta jättämisellä voi olla vaikutusta työttömyysturvan saamiseen.

Löydät työllistymissuunnitelmasi Työmarkkinatorin Asiointi-osiosta. Jos et pysty ilmoittamaan tehtävien toteutumisesta Työmarkkinatorin kautta, ota yhteyttä työvoimaviranomaiseen.

Erilaiset suunnitelmat 

Tilanteesi mukaan suunnitelmasi on työllistymissuunnitelma, aktivointisuunnitelma, monialainen työllistymissuunnitelma, kotoutumissuunnitelma tai monialainen kotoutumissuunnitelma.

Jos olet ollut työttömänä pitkään ja tavoitteenasi on parantaa elämänhallintaasi ja mahdollisuuksia saada töitä, teet yhdessä työvoimapalveluiden asiantuntijan kanssa aktivointisuunnitelman tai monialaisen työllistymissuunnitelman. Jos olet maahanmuuttaja, teet kotoutumissuunnitelman tai monialaisen kotoutumissuunnitelman.

Työnhakuvelvollisuuden täyttäminen 

Työllistymissuunnitelmaan kirjataan haettavien työmahdollisuuksien määrä eli työnhakuvelvollisuutesi. Sinun on haettava lähtökohtaisesti neljää työmahdollisuutta kuukaudessa. Haettavien työmahdollisuuksien on oltava sellaisia, joihin sinulla on mahdollisuudet työllistyä. Mahdollinen työkyvyttömyys ja alueesi työmarkkinatilanne huomioidaan työllistymissuunnitelmassa. Jos haettavia työmahdollisuuksia ei ole lainkaan, sinulle ei aseteta työnhakuvelvollisuutta.

Voit täyttää työnhakuvelvoitteesi monella eri tavalla. Sinun on mahdollista esimerkiksi

  • hakea itse valitsemaasi työpaikkaa,
  • pyytää lisätyötä omalta työnantajalta ja
  • etsiä yrittäjänä tehtäviä työmahdollisuuksia.

Alkuhaastattelu

Alkuhaastattelu järjestetään kymmenen arkipäivän kuluessa työnhakusi alkamisesta. Haastattelu järjestetään työvoimaviranomaisen toimipaikassa, mutta se voidaan järjestää myös muulla tavalla painavan syyn takia. 

Alkuhaastattelussa kartoitetaan tilanteesi, ja sinulle tehdään työllistymissuunnitelma. Haastattelussa pohdit yhdessä asiantuntijasi kanssa, millaisia työpaikkoja voisit hakea tai onko sinulla tarve hankkia koulutusta tai vaihtaa alaa. Alkuhaastattelussa tehdään myös palvelutarpeen arviointi, jossa selvitetään, mitkä työllistymistä edistävät palvelut voisivat auttaa työllistymisessäsi. Alkuhaastattelussa sovit myös siitä, miten pidät yhteyttä työvoimaviranomaisen kanssa.

Työnhakukeskustelut

Työvoimaviranomaisen on järjestettävä työnhakukeskustelu aina, kun alkuhaastattelusta tai edellisestä työnhakukeskustelusta on kulunut kolme kuukautta. Niiden välissä haet töitä itsenäisesti tai osallistut palveluihin työllistymissuunnitelman mukaisesti.

Työnhakukeskustelussa saat tukea työnhakuusi. Lisäksi siinä arvioidaan työnhakusi tuloksellisuutta, palvelutarvettasi ja työllistymissuunnitelman toteutumista. Tarvittaessa työllistymissuunnitelmaa muokataan tilanteeseesi paremmin sopivaksi.

Työnhakukeskustelu toteutetaan kulloinkin tarkoituksenmukaisimmalla tavalla. Työnhakijana voit esittää toiveen keskustelun järjestämistavasta. 

Täydentävät työnhakukeskustelut

Työvoimaviranomainen järjestää sinulle alkuhaastattelun jälkeen viisi täydentävää työnhakukeskustelua tai muun tarpeelliseksi katsotun määrän.

Muita täydentäviä työnhakukeskusteluja voidaan järjestää tarpeesi mukaan. Täydentävän työnhakukeskustelun sijaan sinulle voidaan tarjota myös muuta henkilökohtaista palvelua, joka tukee työnhakuasi tai parantaa edellytyksiäsi työllistyä.

Päivitetty: